ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

លោក Paul Kagame ទំនងជានឹងបន្តទទួលឈ្នះឆ្នោតជាប្រធានាធិបតី Rwanda សម្រាប់អាណតិ្តទី៤

  • ចុះផ្សាយថ្ងៃទី១១ ខែកក្កដា ឆ្នាំ២០២៤ ម៉ោង ១៧:០៣ នាទី ដោយ EAC News
  • 1520
  Aa |   aA

រ្វ៉ាន់ដា៖ ប្រធានាធិបតីរ្វ៉ាន់ដា លោក Paul Kagame ត្រូវគេមើលឃើញថានឹងបន្តកាន់តំណែងសម្រាប់អាណត្តិទីបួនបន្តទៀត ស្របពេលដែលការបោះឆ្នោតជ្រើសរើសប្រធានាធិបតីនឹងឈានចូលមកដល់នាថ្ងៃចន្ទសប្តាហ៍ក្រោយ ខណៈគេសម្លឹងឃើញថាបេក្ខជនប្រធានាធិបតីដែលជាបេក្ខជនមាននិន្នាការប្រឆាំងនឹងលោក Kagame ហាក់មានក្ដីសង្ឃឹមតិចតួចប៉ុណ្ណោះ។ 

លោក Paul Kagame បច្ចុប្បន្នមានវ័យ ៦៦ឆ្នាំមានស្នាដៃក្នុងប្រវត្តិសាស្រ្តនៃការដឹកនាំចលនាឧទ្ទាមដែលបានបញ្ចប់របបប្រល័យពូជសាសន៍ក្នុងប្រទេសរ្វ៉ាន់ដាកាលពីឆ្នាំ១៩៩៤ ខណៈលោកកាន់តំណែងជាប្រធានាធិបតីនៃប្រទេសក្នុងទ្វីបអាហ្វ្រិកនេះចាប់តាំងពីឆ្នាំ២០០០ រហូតមក។ តាមពិតទៅ  តាមការគ្រោងទុកបេក្ខជនដែលអាចប្រជែងជាមួយលោកក្នុងការបោះឆ្នោតនេះមិនមែនមានតែពីរនាក់នោះទេ ប៉ុន្តែបេក្ខជនប្រធានាធិបតីដែលមានសក្ដានុពលចំនួន ៦នាក់ផ្សេងទៀត មិនបានបំពេញលក្ខខណ្ឌគ្រប់គ្រាន់ក្នុងការឈរឈ្មោះហើយមិនត្រូវបានអនុញ្ញាតឱ្យឈរឈ្មោះដោយគណៈកម្មការបោះឆ្នោតជាតិ។ 

គួរបញ្ជាក់ថា លោកប្រធានាធិបតី Kagame ទទួលបានជ័យជម្នះក្នុងការបោះឆ្នោតឆ្នាំ២០១៧ ជាមួយសំឡេងគាំទ្រដល់ទៅជាង ៩៩ភាគរយ ហើយលោកក៏បានធ្វើវិសោធនកម្មរដ្ឋធម្មនុញ្ញ ដែលអនុញ្ញាតឱ្យលោកអាចបន្តឈរឈ្មោះសាជាថ្មីនៅឆ្នាំ២០២៤នេះ។ គេចាប់អារម្មណ៍ថា ប្រសិនបើលោក Kagame បន្តជាប់ឆ្នោតជាប្រធានាធិបតី នោះនឹងអាចជាសញ្ញាណនៃស្ថិរភាពក្នុងប្រទេស ប៉ុន្តែបញ្ហាពាក់ព័ន្ធនឹងសិទ្ធិមនុស្ស និងភាពតានតឹងជាមួយសាធារណរដ្ឋកុងហ្គោ នៅតែជាក្ដីបារម្ភមួយនៅឡើយ។ 

គួរឱ្យដឹងថា លោកប្រធានាធិបតី Kagame បានទទួលការកោតសរសើរជាខ្លាំងពីប្រជាពលរដ្ឋក្នុងអំឡុងពេលកាន់តំណែងរបស់លោក ដោយលោកបានចាប់ផ្តើមការកសាងប្រទេសឡើងវិញ និងមានភាពលេចធ្លោ ខណៈប្រទេសដែលមានប្រជាជនជាង ១៤លាននាក់នេះ ធ្លាប់ញាំញីដោយរបបប្រល័យពូជសាសន៍ដែលបានផ្តាច់ជីវិតមនុស្សជាង ១លាននាក់។ ក៏ប៉ុន្តែរដ្ឋាភិបាលរបស់លោកត្រូវបានប្រទេសលោកខាងលិច និងសកម្មជនសិទ្ធិមនុស្សចោទប្រកាន់ពីការបំភ័ន្តប្រព័ន្ធផ្សព្វផ្សាយ, ការធ្វើឃាតបេក្ខជននយោបាយ និងគាំទ្រក្រុមឧទ្ទាមនៅក្នុងប្រទេសកុងហ្គោដែលនៅជិតខាងជាដើម។

រដ្ឋាភិបាលរ្វ៉ាន់ដា​បាន​បដិសេធនូវ​រាល់​ការ​ចោទ​ប្រកាន់​ប្រឆាំង​ទាំងឡាយ ហើយ​ខណៈ​ពេល​ធ្វើ​យុទ្ធនាការឃោសនាបោះឆ្នោត លោក Kagame បាន​សន្យា​បន្ត​ការ​អភិវឌ្ឍ និងរក្សា​ស្ថិរភាពក្នុងប្រទេស៕


ព័ត៌មានជាច្រើនទៀតសម្រាប់អ្នក